Tal e como vos prometiamos hai unhas semanas, hai máis novidades en VeVi Dental. O Marketplace de CareChannel segue ampliando o número de empresas líderes do sector dental dispoñibles, e nesta ocasión é a quenda para a compañía Avinent, recoñecida a nivel internacional tanto polo deseño como pola fabricación e colocación de próteses e implantes.

Moi en liña coa filosofía de VeVi, Avinent destacou desde o seu nacemento en 1958 polo seu compromiso coa innovación tecnolóxica e pola incorporación de solucións innovadoras para os seus clientes. Neste sentido, dispoñen de todas as liñas de negocio que os laboratorios necesitan. 

Por exemplo, o Avinent Implant System ou o Biomimetic OCEAN, liñas de implantes cunha revolucionaria técnica capaz de dar solución a calquera caso clínico. Tanto nestes casos como nas súas propostas para ortodoncia, para próteses CAD/CAM ou para impresións 3D en titanio, Avinent é unha garantía absoluta de calidade e seguridade.

Como xa sabedes pola presenza doutras empresas desde hai anos, Avinent xa ofrece o seu catálogo de produtos a través do maior espazo online deseñado para o sector dental. Máis adiante, tamén disporán dos seus servizos de fresado e sinterizado. Accede ao teu perfil ou crea o teu en apenas uns minutos para acceder ás oportunidades de negocio de vangarda no Marketplace de CareChannel.