A trazabilidade en VeVi Dental acada unha nova dimensión. O software de xestión de laboratorios número 1 no mercado implementou unha novidade importante á hora de manexar as fichas dos vosos materiais e a configuración dos pedidos relacionados, coa aplicación do sistema do identificador único do produto (UDI).

Trátase dun código numérico ou alfanumérico relacionado cun produto sanitario, que fai posible así a súa identificación clara e indiscutible e facilita dese xeito as tarefas de trazabilidade. É un sistema amplamente utilizado polos fabricantes cos que traballades, e polo tanto é moi sinxelo recoñecelo e aplicalo.

Desde agora mesmo, VeVi Dental permítevos a incorporación dun identificador UDI nas fichas dos vosos materiais, o cal terá repercusións directas na xestión posterior dos lotes e dos pedidos. Grazas a todo o proceso, a recepción dos lotes vólvese máis rápida, máis completa e máis eficiente.

Accede ao teu programa de xestión e inclúe este código nas fichas dos teus materiais. Toda a trazabilidade en VeVi Dental aumenta en seguridade e en solidez, ao tempo que permite un mellor seguimento por parte das autoridades competentes na materia. Porque, xa o sabedes, o voso software de xestión sempre incide en aspectos como a citada seguridade e a legalidade.