No seu afán por ofrecervos a mellor e máis produtiva experiencia de cliente, VeVi Dental continúa ampliando as súas integracións con empresas líderes do sector. Sabedes que o escáner intraoral é un dos dispositivos con maior crecemento nos últimos anos, e por iso VeVi ten o orgullo de informarvos do noso acordo de colaboración con iTero.

O sistema desta compañía permite á clínica obter imaxes da boca dos seus pacientes en tempo real, de forma rápida e máis precisa. Grazas ás súas solucións, obtéñense resultados nunca vistos nas áreas da restauración ou a ortodoncia, que facilitan o diagnóstico, aumentan a velocidade de todo o proceso e impulsan o rendemento do laboratorio.

A partir de agora, cando a clínica introduza o escaneo realizado na plataforma de iTero, o arquivo xerado sairá no voso VeVi de maneira automática. Así, sen ter accedido previamente ao sistema de iTero, o voso programa de xestión amosaravos o resultado dese escaneo, axilizando os pasos a seguir e maximizando a produtividade do teu centro de traballo.

Como vistes nos últimos meses, VeVi Dental confirmou respectivos acordos con empresas que son referencia nos seus respectivos ámbitos, como o propio iTero, Phibo ou Medit. Esta estratexia está enmarcada dentro do noso obxectivo prioritario de potenciar o voso fluxo dixital e consolidar a nosa posición xunto aos líderes mundiais do sector protésico.